Jæja, ég lét loks verða af því í dag að fara til tannlæknis. Fyrst átti ég pantaðan tíma í byrjun desember, frestaði honum svo þangað til rétt fyrir jól og frestaði þeim tíma síðan þangað til núna í dag, 7. janúar. Já, það er nokkuð augljóst...ég er alls ekki svo hrifin af því að fara til tannlæknis. Það er bara einfaldlega ekki gaman að láta sjálfviljugur pynta sig.
Við mamma tókum svo niður jóladótið seinna um daginn. Rosalega verður alltaf tómlegt þegar allt jólaskrautið er farið en samt er einhvern veginn ágætt svona á vissan hátt að koma sér aftur inn í grámuskulegan hversdagsleikann.