Afmælið hennar Guðrúnar Brynju var þó nokkuð rólegra heldur en teitin á föstudagskvöldið en skemmtilegt samt. Við (Hilda, Helga, Sigrún og ég) fórum heim fyrir miðnætti - sem sagt annað Öskubuskukvöld ;)

Í morgun vöknuðum við Jói um hálftíu enda áttum við von á tengdapabba og ömmubróður Jóa um tíuleytið til að gera við svalahurðina okkar. Nú komumst við loksins út á svalir aftur og gerir það mig að sjálfsögðu himinlifandi káta enda fara vor og sumar að nálgast óðfluga.

Reyndar var sumarið í gær og fyrradag bara aprílgabb eins og ég óttaðist. Það snjóaði þegar við vöknuðum í morgun. Fuglarnir á grenitrjátoppunum og býflugan sem ég hitti í gær voru greinilega bara að ljúga, það er ekkert komið sumar.