Byrjaði daginn hjá heimilislækninum sem lánaði mér astmamæli svo ég geti sjálf kannað hvort ég sé aftur komin með áreynsluastmann. Mig grunar það nefnilega því þessi aumingjaskapur (sem m.a. felst í að ná ekki andanum ef ég hoppa í leikfiminni eða skokka upp og niður stigana á þvottadögum) er varla eðlilegur. Ætla að vera dugleg að anda í astmamælinn á næstu dögum og kanna málið.

Dagurinn hefur síðan verið bæði ágætur (las góða bók, eldaði góðan mat, eignaðist dýrindis bolluskál) og niðurdrepandi (sé ekki fram á að fá vinnu í sumar). En svona er það nú bara. Stefni að því að hækka "ágætis" hlutfallið á morgun með smávegis dugnaði í lokaritgerðinni og rúmfræðiverkefninu. :)