Við Steinunn drifum í því eftir vinnu í dag að fara í Rúmfatalagerinn og kaupa Lama Lux sængur. Við fundum innilega til með starfsfólkinu í Rúmfatalagernum, það virðist allt vera svo óhamingjusamt :( Það brosir aldrei :( Ekki einu sinni stelpan á kassanum sem bauð fólki poka, "litlan eða stóran"? Síðan fórum við og keyptum okkur ís í Skipholtinu og borðuðum hann inni í góða veðrinu. Svaka fínt allt saman :)

Við Jói skelltum okkur svo í bíó eftir kvöldmat og sáum Englana hans Kalla. Flott mynd með flottum hasaratriðum, flottum lögum, flottum líkömum, flottum bröndurum en eiginlega engum söguþræði. Flott mynd til að koma sér í gott skap og hörkustuð!

Eftir bíóið kíktum við á Austurvöll til að skoða sýninguna á ljósmyndum Yann Arthus-Bertrand. Mér var reyndar svo kalt og myndirnar margar svo við ákváðum að koma aftur síðar og skoða þetta almennilega :) Hmm...veit ekki hvort ég næ einhvern tímann að skoða þessa sýningu almennilega, þetta var sko ekki fyrsta tilraun...