Átti ágætis dag í skólanum og fór síðan og spriklaði í Kennóleikfiminni. Sólin skein í allan dag og DVD-/myndbandstækið okkar er komið úr Íslandsreisunni sinni heilt á húfi (eins og ég bloggaði um fyrr í dag) svo að ég er bara nokkuð sátt.

Í kvöld fór ég í afmæliskaffi til Lofts og hitti fullt af góðu fólki og fékk góðar veitingar :)

Já, Radíónaust á Akureyri fær mjög stóran plús í kladdann. DVD-spilarinn okkar hefur verið bilaður síðan í um síðustu páska. Við keyptum hann í Euronics sem farið er á hausinn og við vissum því ekki hvert við áttum að snúa okkur með gripinn til að fá gert við hann. Radíónaust á Akureyri hafði líklega flutt tækin inn fyrir Euronics en við vildum ekki borga flutningskostnað undir spilarann þangað án þess að geta verið viss um að þeir myndu taka ábyrgðina á sig. Mamma og Haukur fóru svo norður fyrir u.þ.b. tveimur vikum og kipptu tækinu með sér.

Í dag kom tækið tilbaka í okkar hendur í fínasta ásigkomulagi og virkar svona líka glimrandi vel eftir góða meðferð Radíónaustsmanna. Og þetta kostaði okkur ekki krónu því þeir tóku þetta bara á sig.

Þetta er sko frábær þjónusta! Takk takk takk, Radíónaust :)