Mikið rosalega var erfitt að vakna í morgun enda kolniðamyrkur! Ég var sannfærð um það þegar ég pírði augun á gargandi vekjaraklukkuna að hún hlyti að hafa flýtt sér um a.m.k. 3 klukkutíma. Reyndar átti ég erfitt með að útskýra hvernig vekjaraklukkan á náttborðinu hans Jóa og úrið mitt hefðu náð að flýta sér nákvæmlega jafnmikið svo ég neyddist til að trúa því að það væri virkilega kominn morgunn og ég þyrfti að skríða fram úr :(

Við Jói kíktum í kvöld til Helgu og Jónasar til að græja ADSLið þeirra. Þ.e.a.s. Jói fór til að græja ADSLið og ég fór til að kjafta ;) Gaman að hitta Helgu, alltof langt síðan við höfum getað spjallað almennilega saman.

Eftir að ég kom heim tók ég til við sjálfboðavinnuna. Skrifaði forskrift inn í skriftarbækur nemenda minna og skipulagði tímasetningar á foreldraviðtölunum í næstu viku. Alltaf fjör hjá kennslukonunni ;)
Þó táknmálsnámskeiðið sem ég er á sé skemmtilegt, þá er verst hvað það tekur mikinn tíma frá manni. Það munar um þrjár klukkustundir á viku sem annars myndu fara í undirbúning áður en ég fer heim í daginn. En í staðinn er ég að undirbúa á kvöldin. Námskeiðinu lýkur svo í kringum 1. des og þá verður meiri tími aflögu (og ég verð vonandi orðin sæmilega kjaftfær um einfalda hluti á táknmálinu, eins og stendur get ég aðeins átt afar takmarkaðar samræður um klæðnað, liti, mánuði, tölustafi o.fl.).