Ekki get ég sagt að ég sé að eyða þessum síðustu frídögum mínum í eitthvað skemmtilegt áður en ég byrja í skólanum. Mér leið ennþá illa í maganum þegar ég vaknaði í morgun, orkulaus og vitlaus :( En ég er búin að vera aðeins skárri eftir að ég fékk mér langan fegurðarblund rétt fyrir kvöldmat - reyndar ekkert fegurri, bara svolítið hressari ;) Vonandi verð ég nú komin í lag á morgun svo ég komist í afmælið hans Odds og geti verið dugleg.

Við Jói stukkum út á svalir rétt fyrir ellefu til að fylgjast með flugeldasýningunni sem við tókum þátt í að greiða að frumkvæði Orkuveitu Reykjavíkur. En komumst strax að því að við sáum flugeldana ekki af svölunum - stóri strompurinn á næsta húsi var algjörlega fyrir. Þvílíkt frat! Þannig að við færðum okkur bara inn í svefnherbergi og fylgdumst með herlegheitunum út um gluggann þar.

Já...miðað við lyfjaverð hér á landi hlýtur þetta að vera mjög algengur sjúkdómur...