Síðustu daga...og mér liggur við að segja síðustu vikur...hefur verið offramboð af roki og ofsaviðri hér á Fróni. Finnst að við ættum að þramma yfir á Veðurstofu Íslands og efna til mótmæla, Haraldur & co hljóta að geta reddað blíðviðri fyrir okkur veðurbörnu aumingjana. Stelpurnar í leikfiminni voru að velta því fyrir sér hvernig það yrði ef við yrðum veðurtepptar í íþróttahúsinu. Mér leist ekki á blikuna, óttaðist að okkur yrði þá þrælað út með æfingum fyrir maga, rass og læri þar til við bókstaflega hyrfum...

Björgunaraðgerð fyrir skemmtiatriði nr. 1 fór fram áðan og tókst með miklum prýðum. Flókna kaosið okkar er horfið og þetta er að verða virkilega skemmtilegt. Húrra fyrir okkur, við erum frábærar :)

Æfingin tók m.a.s. svo stuttan tíma að ég kom heim núna í miðjum Survivor. Jói er að taka þáttinn upp fyrir mig og af því ég vil ekki koma inn í miðjan þátt verð ég að hanga hérna inn í herbergi með lokuð eyrun meðan hann klárar að horfa og svo get ég spólað tilbaka og horft á.