Fór eftir vinnu yfir í Háteigsskóla að spjalla við ofurkennslukonurnar Jóhönnu Sveinsdóttur og Ragnheiði Hermannsdóttur og fá lánaðar hjá þeim bækur. Alltaf eitthvað frábært starf í gangi hjá þeim. Eftir kvöldmat brunaði ég af stað út úr bænum og austur fyrir fjall. Kom á Selfoss í kringum hálfátta. Við mæðgarnar sátum svo þrjár og horfðum á Den eneste ene, sem þær voru að sjá í fyrsta skipti og ég í annað. Yndisleg mynd :)

Í dag fórum við mamma á Hellu, ég heimsótti Steinunni sem er alsæl í sveitasælunni og mamma leit við hjá Steina frænda. Við stoppuðum reyndar ekki lengi enda beið sjúklingurinn með staurfótinn eftir okkur.
Sjúklingurinn vildi samt ekki slappa of mikið af og þrjóskaðist við að elda handa okkur hátíðarmat. Jamie Oliver kjúklingur með sítrónu í rassinum. Virkilega gott :p

Á dagskránni í kvöld er svo að borða eitthvað óhollt, horfa á grimmar skepnur í Ríkissjónvarpinu og hafa það kósí :)