Vaknaði við skonsuilm í morgun. Mamma var sum sé vöknuð á undan mér (surprise surprise!) og komin frísk og spræk fram í eldhús að baka skonsur. Mmmm, það er svo ljúft að koma öðru hvoru á Hótel Mömmu. Mér sýnist Helga Sigrún hafa verið jafnheppin um helgina :)

Við Jói erum ekki lengur í einangrun hérna í risinu okkar, við erum loksins komin með nýja nágranna á hæðina fyrir neðan okkur eftir margra mánaða framkvæmdir. Enginn búið á hæðinni síðan Auðbjörg og Guðmundur fluttu út síðastliðinn desember.

Unnsteinn reynist vera ansi duglegur bloggari og er einnig búinn að setja inn fullt af myndum. Var ég annars búin að segja ykkur að frændi minn fékk forsetamerkið á Bessastöðum? Jahá, það eru ekki allir sem eiga svona frænda! Ég passaði hann sko þegar hann var lítill ;) hehe

Linda og Daníel Gauti fá kærar þakkir fyrir vináttutextann til að setja í Söngvasafnið. Ég hlakka til að sjá nóturnar og læra lagið við :)

Ég fékk smá skriftarsting í magann í dag. Hlustaði á "skemmtilega" orðað samtal og langaði skyndilega bara að komast heim í tölvu og byrja almennilega á skáldsögunni minni. Hef ekkert hugað að henni síðan í sumar þar sem skólinn hefur átt hug minn allan. Ég ætla að fara að setja mig inn í hana aftur þegar ég get farið að einbeita mér að henni, en býst varla við að það verði fyrr en í vor... Mmmm, mikið rosalega ætla ég að njóta þess næsta sumarað sitja með fartölvuna úti í góða veðrinu, í fyrsta sumarfríinu mínu í langan tíma, og skrifa, skrifa, skrifa og skrifa!!! :)