Ég átti ósköp ljúft soirée d´amour fyrir framan sjónvarpið í kvöldið. Horfði á French Kiss sem Helga Sigrún lánaði mér. Myndin kom mér virkilega á óvart, vissi eiginlega ekki hvernig hún væri en komst að því í kvöld að hún er stórfín. Yndisleg mynd :) Gaman að sjá bandaríska mynd sem gerist í Frakklandi og Frakkarnir virkilega látnir tala frönsku, alltof oft í svona bandarískum myndum að allar þjóðir virðast tala ensku sín á milli dags daglega, hvort sem það eru indjánar frá því í gamla daga eða nútíma Rússar. Auk fínna aðalleikara er Jean Reno líka með hlutverk í myndinni og hann er nú alltaf góður. Svo var nú ósköp ljúft að ímynda sér í smá stund að maður væri á ný staddur í Frakklandi að borða "hádegisverð" (milli kl. 13 og 17) úti í náttúrunni með franskri fjölskyldu. Ég þakka Helgu kærlega fyrir frábæra skemmtun :)

Dagurinn í dag var alveg ágætur. Sömdum tónverk fyrir hádegi, leikþætti eftir hádegi. Ekki slæmt :)