Æfingar á árshátíðaratriðinu hófust í dag. Halla taldi sig greinilega vera komin í hlutverk landsliðsþjálfara í handbolta og teiknaði allt atriðið á tússtöflu og merkti hver ætti að vera hvar á hvaða tímapunkti o.s.frv. Örlítið flókið en verður örugglega mjög flott eftir nokkrar æfingar.

Það tók mig smátíma að þiðna eftir að hafa labbað heim úr Listgreinahúsinu í nístandi kuldanum. Veturinn er greinilega kominn.

Geðorðin 10 frá Geðrækt hafa undanfarið prýtt skjámyndina á tölvunni minni. Ég ætla nefnilega að stefna að því að rækta huga og sál betur og þessi 10 markmið er að mínu mati gott hjálpartæki. Ég ákvað að deila þeim með ykkur og smellti því tengil á þau hér til hliðar :)

Góður Practice-þáttur í kvöld. Ég missti næstum því af honum því ég hélt að lokaþátturinn hefði verið síðasta sunnudag. Það var reyndar rétt en ég gerði mér ekki grein fyrir að Skjár 1 ætlaði að byrja strax á næstu seríu. Kíkti sem betur fer á skjáinn fimm mínútur yfir níu. Eins gott, enda framhald næst ;) spennó!