Byrjaði gærdaginn á að hjálpa tengdamömmu að flytja. Flutningarnir gengu vel fyrir sig, við vorum klukkutíma að fylla risastóra sendibílinn og hálftíma að tæma hann á áfangastað. Glæsileg frammistaða, en það munar líka um að þarna voru margar hendur að verki. Það verður munur að heimsækja þau nú þegar þau eru flutt úr sveitinni ;)

Að flutningum loknum brunaði ég lengra upp í sveit og kom rétt tímanlega í piparkökubaksturinn í Sóltúninu. Við gerðum heil ósköp af piparkökum svo ég ætti að vera komin með nóg til að skreyta næsta laugardag :)

Okkur mömmu leist ekkert sérstaklega vel á bíómynd kvöldsins á RÚV svo við fórum að ná okkur í videomynd. Ég held við höfum verið erfiðustu kúnnar kvöldsins og vorum heila eilífð að velja mynd. Fundum þó eina að lokum sem reyndist bara þó nokkuð góð.