Fínn dagur í dag :) Er komin með sumarvinnu í móttöku á St. Jósefspítala. Byrja þar 5. maí og hlakka mikið til. Við Jói héldum upp á þetta með því að skella okkur á Kentucky Fried Chicken. Langt síðan ég hef komið þangað.

Ég fór í Drift (sem framleiðir Appolo-lakkrís) með grjótharðar lakkrísreimar sem við Jói ætluðum að gæða okkur á um páskana en hættum við þar sem við vildum ekki brjóta í okkur tennurnar. Eftir að hafa skoðað mynstrið á pakkanum (þar er sko enga dagsetningu að finna) komst lakkrísverkstjórinn að því að pakkinn væri frá því í fyrra og því ekki skrýtið að reimarnar væru harðar. Hann gaf mér 5 nýja pakka í staðinn svo ég fór sátt út. En ég mun koma aftur - til að kaupa lakkrísafklippur á aðeins 300 kr. kílóið! Alveg frábært verð á frábæru nammi. Og það er vel þess virði að fara og versla við gömlu lakkrískonuna í gegnum pínulitlu lúguna. Þetta minnti mig á þegar við mamma keyptum fermingarkertið mitt af nunnunum í Karmenklaustrinu.