Kvöldið í kvöld var eins og dagurinn í dag, frekar boring en nokkuð gagnlegt. Tel mig hafa klárað leiðindaverkefnið og las síðan og punktaði fullt niður fyrir komandi lokaverkefni. Jói var líka hörkuduglegur við að ... þ.e.a.s. hann var að ... jæja, ég leyfi honum bara að útskýra það sjálfur! ;)

Stressið er smám saman að lauma sér inn hjá mér. Ég á enn eftir að vinna 13 verkefni fyrir utan lokaverkefnið sjálft og tíminn er aldrei jafnmikill og maður heldur...æææ, það þýðir víst ekki að vera að röfla þetta um áhyggjurnar sínar, ætli þær verði ekki bara verri við að skjalfesta þær svona...!

Smá svona sunnudagsstemning í dag hjá mér þrátt fyrir að það er víst bara laugardagur ennþá... Búin að gutla smá í að læra og dútla fyrir Hrafnhildi og stefni svo að því að vinna í leiðindaverkefni í íslensku í kvöld auk þess að hafa það kósí með síupptekna kallinum.