Mamma og Haukur litu við í kvöld og löguðu tenginguna á lampanum frá Ömmu Dídí. Þetta er svaka sniðugur lampi sem kveikt er á með snertingu og hefur þrjár mismunandi ljósastillingar. Ég efast samt um að peran endist lengi, því það er svo ofsalega skemmtilegt að pota í lampann til að slökkva og kveikja og breyta um ljósastillingar ;)

Tengdapabbi leit svo við um það leyti sem ég var á leiðinni til Elísabetar svo ég náði lítið að spjalla við hann.

Við Elísabet horfðum saman á Martha, meet Frank, Daniel and Laurence á DVD. Alltaf jafnyndisleg mynd og alltaf jafngaman að hitta Elísabet :)

Þegar ég kom heim sagði Jói mér að Harry Potter hefði komið meðan ég var í burtu. Eins gott að Unnsteinn reddaði bókinni fyrir mig um síðustu helgi, ég væri löngu komin með slag af taugaspenningi ef ég hefði átt að bíða eftir að Amazon-eintakið kæmi! Það var lítið mál að finna kaupanda að seinna eintakinu svo ég þarf ekki að hafa áhyggjur af að sitja uppi með tvö eintök :)