Ég fékk óvænta gesti í kvöld :) Sigrún og Ella litu í heimsókn og sátu góða stund að spjalla. Ella var að líta Betraból augum í fyrsta sinn en Sigrún hefur nú komið þó nokkrum sinnum áður.
Í gær fengum við einnig gesti en þá litu Örn, Regína og Daníel Helgi við á leiðinni heim af fótboltaleik.
Alltaf gaman þegar góða gesti ber að garði.

Tók The Roald Dahl Treasury á bókasafninu um daginn og hef verið að glugga í hana öðru hvoru. Bókin inniheldur útdrætti úr flestum barnasögum þessa merka rithöfundar og einnig nokkur kvæði. Nú langar mig virkilega að nálgast allar bækurnar hans í heild sinni og gleypa þær í mig. Ég á safnið með fullorðinssmásögunum hans sem allar hafa yndislega illkvittnislegan endi sem kemur manni alltaf á óvart. Já, Roald Dahl var sannarlega snillingur sem kunni að skrifa fyrir bæði börn og fullorðna.

Við Broom-Hilda eigum greinilega ýmislegt sameiginlegt...