Tannlæknirinn minn aumkaði sig yfir mig og kippti tönninni minni í lag í morgun. Nú þarf ég bara að fara varlega svo ég skemmi þetta ekki strax aftur.

Eftir kvöldmat dró ég fram íslensku dans- og söngvamyndina "Regínu" sem sýnd var á RÚV á Nýársdag. Hún kom skemmtilega á óvart enda ekki oft sem íslenskir kvikmynda-framleiðendur búa til svo litríkar og fjörugar myndir - íslenskar myndir virðast vanalega vera dramatískar og drungalegar lýsingar á misheilbrigðum einstaklingum í einmanalegum og yfirgefnum aðstæðum. Regína var því áhugaverð tilbreyting.