Hmmm... mér fannst áhugavert að sjá kassa fullan af sundurlausum rörum og pípuhreinsurum í ruslahorni skólans í dag í stað þess að finna rörin samansett á þeim stað sem við höfðum fyrir að festa þau á í gær. Nokkur form höfðu fengið að vera áfram á sýningunni og voru færð upp í rjáfur en mér sýndist mestmegnið liggja lemstrað í ruslakassanum. Ekki veit ég hvort þetta hefur hrunið í sundur af sjálfsdáðun eða hvort einhver hefur séð sig knúinn til að rífa þetta niður (kannski arkitektarnir hafi komið í heimsókn...hehe) en ég sé mest eftir klukkutímanum sem við eyddum í að klambra þessu drasli upp í gær. Ef ég verð sérstaklega beðin um það aftur að koma upp í skóla og hengja upp verkefni, þá held ég að ég segi pass, ég hef nóg annað við klukkutímana mína að gera.