Eftir stigsfundinn á miðvikudaginn var Miller á Kaffi Nauthóli. Það var ótrúlega kósí að sitja þar inni í hlýjunni og drekka heitt súkkulaði meðan rigning og rok reyndu að rífa kofann frá jörðu.

Í gær var síðan D-bekkjarsaumaklúbbur hjá Herborgu. Alveg ágæt mæting og við hefðum getað setið mun lengur og kjaftað en það var skóli í morgun svo við reyndum að sýna smá skynsemi. En bara smá... ;)

Og talandi um skólann í morgun, það beið mín óvænt ánægja þegar ég kom niður af kennarastofunni í síðustu frímínútunum í dag. Þrír krakkar fengu að vera inni sökum veikinda og meiðsla og þegar ég kom niður komst ég að því að þau höfðu gengið frá öllum klessulitunum og blöðunum. sem ekki hafði gefist tími til að ganga frá áður en bekkurinn fór í matsalinn. Og í þessum síðasta tíma fá þau vanalega að vinna nokkuð frjálst við að kubba, spila, lesa, teikna o.s.frv. en þessi þrjú ásamt þremur öðrum sem bættust í hópinn höfðu miklu meiri áhuga á að þrífa klessulitaförin af öllum borðunum og sópa gólfið. Þvílíkur munur að vera með svona duglega krakka :)