Leyf mér að segja þér sögu...

Mímí og Lóló eru að útskrifast úr Kennaraháskóla Íslands. Þær hafa gengið í gegnum nákvæmlega sömu menntun, öll sömu námskeiðin og hafa alltaf fengið jafnháa einkunn í öllu. Mímí og Lóló ráða sig í sama skólann hér á höfuðborgarsvæðinu, taka hvor um sig við bekk með 19 nemendum og fá báðar úthlutað 3 launaflokkum úr "pottinum". Mímí og Lóló fá fyrstu launaávísunina sína en viti menn, hvað er að sjá? Mímí fær 47.401 kr. meira útborgað heldur en Lóló. Af hverju? Störf þeirra eru alveg sams konar, hvorug hefur meiri menntun en hin, þær fengu m.a.s. sömu einkunn í öllu og hvorug hefur lengri starfsreynslu en hin sem kennari. En hver er þá eiginlega ástæðan? Jú, málið er nefnilega það að Mímí er nýbúin að halda upp á 45 ára afmælið sitt en Lóló er aðeins 24 ára. Þar liggur hundurinn nefnilega grafinn!

Einhver annar en ég sem sér eitthvað athugavert við þessa sögu?