Tók þátt í SMS-leik mbl.is í dag með þá von í huga að geta kannski unnið miða fyrir okkur Jóa á The Pirates of the Caribbean svona þar sem við erum að fara að sjá hana á mánudaginn. Ég vann! En ekki það sem mig langaði í... Í staðinn fyrir að vinna eitthvað af þeim 120 miðum sem í boði eru þá tókst mér að vinna belti sem er víst bara eitt af 20 í boði. Týpískt fyrir mig að vinna óæskilegan hlut sem erfitt er að vinna í staðinn fyrir að vinna æskilegan hlut sem mun meiri líkur hefðu verið á að krækja í. Alveg eins og þegar við Hildigunnur unnum frímerki á einhverri frímerkjasýningu í gamla daga. Eins og frímerki eru nú gífurlega spennandi ;) hehe    Nei annars, þetta er líklega ekkert týpískt fyrir mig, að frátöldu beltinu og frímerkjunum forðum þá er ég ekki vön að vinna nokkurn skapaðan hlut! Hvenær kemur eiginlega að mér að vinna eitthvað skemmtilegt eins og utanlandsferðir eða lítinn, sætan bíl...? Ég bara spyr ;)