Ástin á internetinu já? ;)

Sem betur fer er þetta ekki svona slæmt hjá mér...

Er að skella Queen-safninu mínu inn á tölvuna til að gera það aðgengilegra.
Mátti til með að setja Sheer Heart Attack lagið í botn.
Ímyndaði mér að ég væri aftur 14 ára og með sítt hár.
Það er lífsnauðsynlegt að slamma við þetta lag og það skal ávallt spilast í botni.
:)

Hvernig læt ég! Gleymi alveg að segja frá því að við fórum að sjá L´auberge espagnole í Háskólabíói síðasta miðvikudagskvöld. Ég vann miða í gegnum Moggann á Frönsku kvikmyndahátíðina. Mig grunar reyndar að það hljóti svo fáir að hafa tekið í leiknum að allir hafi unnið, ég er a.m.k. ekki vön að vinna í svona leikjum.
En sem sagt, frá því að ég vann miðana höfum við verið að bíða eftir að Reines d´un Jour væri sýnd á heppilegum tíma fyrir okkur. Það kom loks að því síðastliðinn þriðjudag kl. 22 en þá var ég einfaldlega of kvefuð og sljó að ég treysti mér ekki. Það var hins vegar síðasta sýning á myndinni svo að við urðum að velja eitthvað annað í staðinn. Það var því ekki um annað að ræða en að skella sér á Evrópugrautinn sem reyndist alveg frábær. Ég er eiginlega fegin að við skyldum hafa misst af hinni myndinni þar sem það varð til þess að við sáum þessa. Audrey Tautou tekur sig mjög vel út (eins og alltaf) í aukahlutverki í myndinni en aðrir leikarar standa sig einnig vel.
Mæli sérstaklega með myndinni fyrir alla sem einhvern tímann hafa sett sig í spor Erasmus-nema, au-pair, AFS-nema og einfaldlega fyrir alla sem hafa búið tímabundið í öðru landi á sínum yngri árum.