Sigurrós - Naflaskoðun

2. apríl 2004 #

Gettu Betur í hundana

Mikið rosalega er ég svekkt! :( Borgarholtsskóli átti svoooo skilið að vinna og svo voru það bara Verslingarnir sem tóku þetta...á bráðabana! En svona er bara lífið. Sem betur fer þurfti maður þó aldrei að sitja í sjónvarpssal og sjá Verslinga vinna þetta.
En Sunna! Á ég að trúa því að maður hafi séð þig Verslómegin í salnum? Hvers konar svik eru þetta eiginlega?! Ég bara spyr ;)

Leggja orð í belg
3 hafa lagt orð í belg

3. apríl 2004 11:26:25
Ég er ekki svikari!
Ekki gat ég setið hjá MR og einhvers staðar varð ég að sitja. Það er ekkert sem segir að maður verði að halda með Borgó þegar MR er ekki í úrslitum. Óli var í Verslóliðinu í 4 ár og þjálfaði í 2 ár, ég gat ekki annað en smitast af stemningunni. Svo fannst mér líka Versló bara eiga meira skilið að vinna, þeir höfðu taugarnar sem Borgó hafði ekki og það er það sem telur á endanum.
Þetta lagði Sunna í belginn

3. apríl 2004 14:59:45
Batni þér nú fljótt og vel!
ég var líka að vona að Borgó myndi vinna ... sonur minn stefnir á MR svo þeir taka Gettu betur bara aftur þá! ha-ha! gáfurnar koma frá móðurinni manstu? ;o)
Þetta lagði Steinunn í belginn

3. apríl 2004 15:37:11
Ég er nú bara að stríða þér, Sunna ;) Það er ekki hægt annað þegar maður sér MR-inginn sjálfan sitja hjá Verslingunum. En ég er samt ekki sammála um að Versló hafi frekar en Borgarholtsskóli átt skilið að vinna...
Þetta lagði Sigurrós í belginn

Píanóið stillt

Kristinn var að enda við að stilla píanóið mitt sem er nú orðið stillt og gott. Það hefur ekki fengið þjónustu síðan á Kambsveginum, þ.e.a.s. fyrir síðustu flugferð þegar það sveif inn um svaladyrnar hér á 3. hæð á Flókagötunni.
Þó ég sé nú komin úr mestallri æfingu og sé orðin eins og gömul ryðguð geit hvað píanóleik varðar þá finn ég samt hvað elsku hljóðfærið mitt hljómar betur og hvað það er rosalega gott að spila á það. Eins og bráðið smjör ... ef manni leyfist að nota slíkar lýsingar fyrir stóra og stæðilega slaghörpu.
Nú er bara kominn tími á að stilla sjálfa mig og vera duglegri að spila :)

Leggja orð í belg
Enginn hefur lagt orð í belg!

Páskafrí

Undirrituð er komin í páskafrí :)
Mætir aftur til vinnu þriðjudaginn 13. mars.
Nú skal sko heldur betur slappað af!

Leggja orð í belg
1 hefur lagt orð í belg

3. apríl 2004 14:57:57
Hæ hó,
Ég er líka komin í frí og byrja aftur miðvikudaginn 14. apríl ...
svo nú er bara að undirbúa fermingu einkasonarins á sumardaginn fyssssssssssssta :o)
Hafðu það gott um páskana og alltaf. Steinunn
Þetta lagði Steinunn í belginn

<< Fyrri dagur

Nýjasta færsla

Næsti dagur >>