Fengum fasteignasala til okkar í góða veðrinu í gær og íbúðin okkar er nú til sölu. Þegar við höfum sagt fólki að við séum að fara að hugsa um að stækka við okkur gerist yfirleitt það sama; maginn á mér fær augngotur og fólk spyr brosandi hvort við séum að fjölga. Svo ég taki nú allan vafa af þá er ekkert slíkt fyrir hendi, það er ekki komið að mannkynsfjölgun hjá okkur að þessu sinni.

Fyrst komið er að sölu þá var ekki seinna vænna að Jói héldi sitt fyrsta partý á heimilinu. Nokkrir tölvugúrúar mættu á svæðið til að fagna próflokum (og sumir skólalokum) í HR. Svaka fínt partý. Það kemur samt líklega ekki á óvart að þegar til kastanna kom þá nenntum við Jói ekki með í bæinn þegar partýinu lauk. Surprise, surprise... ;)

Uppáhalds "litli" frændi minn er í dag orðinn sjálfráða ungur maður. Alveg stórmerkilegt! Í tilefni dagsins ætlum við Jói að skella okkur á Selfoss og borða sumarpönnukökur í Sóltúninu honum til heiðurs. Til hamingju með afmælið, Unnsteinn :)