Við héldum upp á menningardaginn mikla í gær með því að fara á Selfoss og upplifa menninguna í alvöru íslensku barnaafmæli. Oddur Vilberg varð 5 ára í dag og afmælisveislan var í gær. Það er eitt menningaratriði sem er öðruvísi nú í dag en þegar ég hélt upp á 5 ára afmælið mitt og það eru myndatökurnar. Þá voru ein eða tvær myndavélar í gangi, og aðallega foreldrar sem sáu um að ná myndum af helstu atburðum. Nú er öldin önnur. Nú standa ótal fullorðnir aðilar með stafrænar myndavélar í kringum afmælisborðið og keppast um hver nær flestum myndum af afmælisbarninu. Og í gær var m.a.s. líka vidjóvél. Já, við ættum að hafa náð nóg af minningum til að geyma um aldur og ævi :) Mínar myndir úr afmælinu eru líklega flestar (kemur það ekki á óvart? ;) hehe) en mamma tók líka myndir.

Flugeldasýninguna um kvöldið sáum við svo út um svefnherbergisgluggann okkar. Okkur langaði ekki í bæinn frekar en fyrri daginn.

Í dag lágum við í rúminu langt fram að hádegi áður en við nenntum að koma okkur fram úr. Jói dundaði sér síðan við að forrita og tölvast meðan ég fór í skólann og vann sjálfboðavinnu í tvo tíma.

Í kvöld ætlum við svo að prófa vöfflujárnið sem mamma gaf Jóa í afmælisgjöf. Ég hlakka mikið til, sérstaklega af því ég festi kaup á einhverri dýrindis karamellusúkkulaðisósu sem ég ætla að setja á mína vöfflu. Mmmmmm :) Ég læt ykkur vita hvernig bragðast :)