Skruppum í bíó í gær á Heim farfuglanna sem er mögnuð og stórglæsileg mynd eins og Jói greinir einnig frá í sínu bloggi. Ég hélt aldrei að ég ætti eftir að sitja í stóra salnum í Háskólabíó og horfa á fugla fljúga í einn og hálfan tíma en ég naut myndarinnar í botn.

Við keyptum miðana fyrr um kvöldið (og vorum því miður ekki vör við það fyrr en eftir á að Jói hefði getað fengið miðana 2 fyrir 1 út á námsmannastöðu sína) og í millitíðinni fórum við í nýju "Álfheimaísbúðina" í Skeifunni. Mjög hlýlegt að sjá starfsfólkið af hinum staðnum aftur og nú í miklu stærri og bjartari ísbúð.