Ég fann mér í kvöld skemmtilegt nýtt leikfang á netinu. Þetta er tónlistarforrit sem nota má til að ná í tónlistarnótur og einnig til að semja eigin tónverk. Svo spilar forritið líka yfir nóturnar fyrir mann.
Ég rakst á þetta þegar ég var að ná mér í píanónóturnar við Mad World með Gary Jules (upphaflega með Tears for Fears skilst mér). Ég er kolfallin fyrir þessu lagi, það er svo fallegt og sorglegt og ég get gleymt mér í því í lengri tíma. Langar mikið til að æfa það á píanóið og er nú komin með nóturnar.