Við Hilda fórum með Rúnar Inga prins að heimsækja ofurkennarana Jóhönnu og Ragnheiði í Háteigsskóla í gær. Það var ótrúlega gaman að hitta krakkana aftur, þau voru orðin svo stór að ég efaðist um að það hefði verið í fyrra sem við vorum að kenna þeim í 6 ára bekk. Rúnar Ingi vakti mikla lukku, enda alveg einstaklega sjarmerandi!

Strax og ég kom heim úr Háteigsskólanum heyrði ég í Eddu frænku og fékk far með henni og Selmu á Selfoss. Fyrst litum við inn hjá Vilborgu og fengum dýrindis veitingar :)

Um kvöldið fórum við mamma og Guðbjörg út að borða á Steikhúsið. Við fengum okkur Guðna Ráðherra sem er ljúffeng lambasteik með rjómasveppasósu og bakaðri kartöflu. Virkilega gott. Mér skilst að Guðni sjálfur hafi einhvern komið á Steikhúsið og pantaði sér þá einmitt þennan nafna sinn :)