Hóf daginn á frábærri Heiðmerkurgöngu ásamt samkennurum mínum. Við erum dugleg að ganga þessa dagana. Við gengum í kringum Vífilsstaðavatn og nuttum náttúrunnar og veðurblíðunnar. Alveg yndislegt :) Að því loknu bauð Helga Ingibergs okkur í hádegisbröns heima hjá sér en við vorum orðin frekar svöng eftir gönguna góðu.
Eftir að hafa setið dágóða stund hjá Helgu og rætt verkfallsmál og fleira þá fórum við nokkrar í verkfallsmiðstöðina til að heyra hvort eitthvað væri að frétta. Það var ekkert að frétta í bili.

Ég fór í Sorpu áður en ég sótti Jóa enda vorum við fyrir nokkru búin að fylla bílinn af flöskum, dósum og dagblöðum sem við höfum svo ekki gefið okkur tíma til að losa okkur við. Dósirnar og flöskurnar vorum við ekki búin að telja enda nenni ég ómögulega að standa í einhverri dósatalningu og veseni því við drekkum svo lítið af gosi. Fyrsta árið okkar á Flókagötunni söfnuðum við dósum og flöskum í eitt ár og fengum alveg heilan þúsundkall fyrir... Svo að ég sagði piltunum í Sorpu að ég væri ekkert búin að telja þetta, vildi bara losna við flöskurnar. Þeir bentu mér á að setja þær þá í gáminn sem skátarnir eiga og ég gerði það. Safnast þegar saman kemur hjá þeim :)

Við Sigrún gerðum sko ekki mistök með því að fara í bíó í kvöld. Fórum á forsýningu á Wimbledon sem er alveg stórkostleg mynd fyrir okkur sem elskum rómantískar myndir. Helga, þú ferð á þessa um leið og þú kemur í bæinn! Svo kaupum við hana þegar hún kemur út! :)