Árshátíð Klúbbsins og Assa var haldin með pompi og prakt síðusta laugardag og kannski kominn tími til að gera henni smá skil.

Við byrjuðum á því að skella okkur í magadans hjá Josy Zareen í Magadanshúsinu. Við dilluðum maga, rassi, öxlum og flestu öðru, lærðum að dansa með slæðu og vorum bara einfaldlega æðisleg :) Assi sló í gegn með slæðurnar og var mun sneggri en við að ná réttu hreyfingunum þar. Þrátt fyrir að vera eini karlmaðurinn á landinu til að fara í magadanstíma (skildist mér :)).

Síðan fórum við á Vegamót og fengum okkur í svanginn. Ég var ekkert sérlega svöng enda frekar nýbúin að borða hádegismat en þegar Theó fékk sér súkkulaði-brownie, og ég ætlaði að missa vitið af súkkulaðilykt, þá varð ég líka að fá mér svoleiðis. Hélt að ég myndi springa við herlegheitin en mikið óskaplega var þetta gott! ;) nammi namm Verð endilega að fara aftur á Vegamót og fá mér svona :) :)

Því næst fórum við í Smáralindina að versla birgðir fyrir kvöldið. Á leiðinni yfir á árshátíðarstaðinn komum við við í nýju íbúðinni hennar Lenu í Hjallahverfinu. Það leyndi sér ekki að þetta er hin glæsilegasta íbúð, jafnvel tóm :) Hlakka til að sjá þegar þú verður flutt inn, Lena :)

Við komum okkur og birgðunum síðan fyrir hérna í Arnarsmáranum og gerðum okkur sæt og fín. Þ.e.a.s. ennþá sætari og fínni en vanalega ;) Seinna um kvöldið var svo komið að lagaleiknum árvissa sem stjórnað er af Assa lagameistara. Við vorum öll búin að velja tvö lög á mann sem Assi brenndi svo á einn disk. Síðan var bara að giska á hver ætti hvaða lög. Ekki auðvelt, skal ég segja ykkur og það kom mér svo sem ekkert sérstaklega á óvart að ég skyldi lenda í neðsta sæti eins og síðast ;) Tókst að vera skammarverðlaunatitilinn af hörku...en þurfti reyndar að deila honum í ár ;)

Fín árshátíð :) og Bára, takk fyrir að taka svona mikið af myndum fyrir mig á myndavélina mína! :D