Starfsfólk Hlíðaskóla kom saman í sal skólans í gærkveldi til að snæða hangikjöt og eiga ánægjulega stund saman. Maturinn var ljúffengur að vanda, stemningin hugguleg og tónlistaratriðin stórkostleg, enda var ég í þeim öllum ;) hehe

Leynivinaleiknum lauk og ég fór og upplýsti hina sænsku Maríu í sérdeildinni um að ég hefði verið leynivinurinn hennar. Síðan birtist skólastýran og tilkynnti mér að hún væri leynivinurinn minn. Það kom á óvart en við Helga og Rakel höfðum mikið verið að spá í skriftina sem við þóttumst allar kannast eitthvað við. En okkur hafði ekki komið hún Kristrún í hug. Þetta er svo skemmtilegur leikur og það er svo gaman að fylgjast með öllum þegar þeir fara til leynivinanna sinna með síðustu gjöfina og allir fara að hlæja því þá grunaði yfirleitt ekkert hver leynivinurinn þeirra væri. Ég hlakka strax til næstu jóla til að geta farið í leikinn enn á ný!

Eftir matinn bauð Kristrún skólastjóri okkur heim til sín en ég stoppaði reyndar ekki lengi því ég er komin með einhverja hvimleiða hálsbólgu og fannst ég vera að verða lasin. Kannski er ég bara þreytt, veit ekki, en ætla alla vega ekki að láta það aftra mér frá því að njóta helgarinnar :)