Jólakjóllinn minn bíður eftir mér í versluninni þar sem hann býr. Hann er ótrúlega fallegur en samt á góðu verði. Það eina sem ég þarf að gera er að fara og kaupa hann... þ.e.a.s. ef einhver getur sagt mér hvaða búð þetta er og hvort hún er yfirleitt á Íslandi!

Mig langar svo í ný jólaföt en eftir að hafa þrætt helstu fatabúðirnar þá sé ég það að tískan er ekki að mínu skapi nú í ár. Ég sé bara einfaldlega ekki neitt sem mér finnst fallegt og ég gæti hugsað mér að kaupa. Litirnir, efnin og sniðin eru bara einhvern veginn þannig núna að ég sé engin föt sem mér finnst flott.

Ætli ég verði ekki bara að bíða eftir næstu tískubylgju og vona að hún verði mér frekar að skapi eða læra að sauma og búa sjálf til draumakjólinn minn...?


Uppfært 22. des.
Sá reyndar alveg æðislegan kjól í dag en þar sem ég er ekki alveg að fara að kaupa mér jólakjól á 13.500 kr. þá hangir hann bara ennþá í búðinni...