Kennslukonur Hlíðaskóla tóku þátt í mótmælunum í dag og gengu út kl. 14:08. Nemendur mínir hefðu átt að vera til 14:20 í skólanum en fengu að sleppa 12 mínútum fyrr. Reyndar voru þeir farnir að tínast út einn í einu eins og tíu litlir negrastrákar nokkru fyrir tímann - meðvitaðir foreldrar komnir að sækja liðið.

Við þrömmuðum síðan yfir að Hallgrímskirkju og þvílíkt mannhaf! Eða ætti ég að segja kvenhaf...? Ég er alla vega mjög ánægð með hvað þátttakan var góð. Áfram stelpur! :)

Verð að setja hér inn sögu sem stúlka í 8 ára bekknum mínum skilaði inn sem heimavinnu fyrir helgi og las fyrir okkur í dag. Hún hljómaði einhvern veginn svona:

        Einu sinni var prinsessa sem var ástfangin af prinsi.
        Prinsinn hafði orðið fyrir því óláni að vera rænt af grimmum dreka.
        Prinsessan rotaði drekann og giftist prinsinum.
        Þau lifðu hamingjusöm til æviloka.

Yndislegt, ekki satt? :)