Ino var veikur svo að hollenskan féll niður í kvöld. Í staðinn kíkti ég á hollenska orðaforðasíðu og dundaði við smá verkefni henni tengt. Það er verst að senn er námskeiðinu lokið og mér finnst ég ekki búin að læra næstum því nóg.

Áðan settist ég svo fyrir framan sjónvarpið til að horfa á breskan sakamálaþátt sem ég tók upp síðastliðið þriðjudagskvöld. Föndraði smá sýnishorn af páskaföndri til að nota í skólanum. Það heppnaðist ekki nákvæmlega eins og ég vildi hafa það, en ætti að duga. Vona bara að það veki meiri lukku hjá samkennurum mínum en föndrið sem ég mætti með í morgun ;) hehe

Framundan er svo samtengt mánudagsáhorf, en í kvöld ráða eyðieyjuævintýrin tvö ríkjum hér í Arnarsmáranum líkt og á Selfossi.