Ingunn frænka sendi mér tölvupóst um daginn og bauð mér að koma og fá lánuð óléttuföt. Ég þáði það með þökkum enda farin að vera í stökustu vandræðum með að koma mér í þær buxur sem fataskápurinn minn hefur upp á að bjóða.

Svo að ég dreif mig núna í vikunni og sló tvær flugur í einu höggi, kíkti á "Boga litla" og fékk fullt af fötum lánað. Bogi er að sjálfsögðu einstaklega myndarlegur og yndislegur, enda var hann að fæðast inn í svo frábæra ætt ;)

Nú er ég komin með svo mikið af fötum að ég get verið í nýjum og nýjum fötum á hverjum degi í lengri tíma ;) Svo var ágætt að ég er bara að slappa af í vetrarfríi, ég gat þá notað tímann og farið alveg í gegnum fataskápana í svefnherberginu - til að koma öllum þessum fötum fyrir :)