Við Sigrún drifum okkur í Þjóðleikhúsið síðastliðinn föstudag í boði Hlíðaskóla. Við byrjuðum á því að fara út að borða á Ítalíu en maturinn þar svíkur engan. Síðan röltum við yfir í leikhúsið, og pössuðum okkur að sjálfsögðu á því að fara í rétt leikhús ;)

Sýningin var Sitji Guðs englar sem byggð er á samnefndnum bókum Guðrúnar Helgadóttur. Við bjuggumst við miklu, enda báðar aðdáendur bókanna frá fornri tíð. Oft er það þannig þegar maður býst við miklu, að það er hætta á að maður verði fyrir vonbrigðum. Það var ekki raunin í þessu tilfelli - sýningin er hreint út sagt stórkostleg og ég mun mæla með henni við hvern sem er! Við sátum sem dáleiddar allan tímann, hlógum og grétum á víxl.

Næsta skref er að kíkja niður í geymslu og kíkja aftur á bækurnar, en þær hef ég ekki lesið síðan ég var u.þ.b. 10 ára eða svo.