...það er kominn 17. júní! :)

Litla fjölskyldan í Arnarsmáranum gerði sér glaðan dag í og skrapp niður á Rútstún eins og sönnum Kópavogsbúum sæmir á 17. júní. Þar var margt um manninn og mikið um að vera. Ragna Björk svaf hátíðarhöldin af sér í kerrunni en mun kannski fylgjast betur með á næsta ári ;) Við tókum síðan smá rúnt með kerruna um austurbæ Kópavogs og tókum myndir af Kársnesskóla og Þinghólsskóla (sem heitir reyndar líka Kársnesskóli núna eftir sameiningu.). Á leiðinni í gegnum Hófgerðið rákumst við á Pétur Óla og fjölskyldu sem voru einnig á leiðinni á Rútstúnið. Einar og Inga komu einnig út í gættina og spjölluðu við okkur.

Fínn dagur :) og svo sannarlega skemmtilegri en síðasti 17. júní!

Fáninn sem Ragna Björk er með á myndinni hér að ofan er eina flaggið sem ég dró að húni í dag. Það er fánastöng hérna úti í garði og ég tók að mér fyrir tveimur árum að geyma fánann og flagga á hátíðardögum. Það að ég flaggaði síðast á 17. júní fyrir tveimur árum sýnir því miður hvað ég hef staðið mig vel í þessu hlutverki eða þannig...