Við Klúbbstúlkur héldum surprise-partý í gær fyrir hann Assa okkar en hann varð þrítugur á dögunum. Kallinn hélt hann væri að mæta í rólegt matarboð og Eurovision og varð frekar mikið hissa þegar annað kom í ljós. Þetta var auðvitað svaka stuð, við borðuðum ótrúlega veglegar og gómsætar veitingar sem Theó og Jóhanna höfðu útbúið, fylgdumst með Eiríki Haukssyni ofurtöffara og sjarmör vinna Eurovision, færðum Assa smáar sem stórar gjafir á klukkutímafresti (mældum tímann með eggjasuðuklukku) og fórum í leiki. Á endanum fór risastór hópur úr partýinu á Eurovision-ballið á Nasa, en við bumbulínur fórum reyndar heim, enda ekki mjög spennandi tilhugsun að vera staddur með bumbuna sína í troðningnum á Nasa. Er bara búin að heyra í einum Klúbbmeðlimi eftir herlegheitin, spurning hvort öll hin hafi djammað frá sér vit og rænu? ;)