Ég skrifaði bankanum mínum e-mail í janúar til að kanna hvort þeir ætluðu ekkert að senda mér auðkennislykil. Mér fannst allir komnir með sinn lykil og þar sem bankinn minn man aldrei nokkurn tímann eftir að senda mér dagatal eða neitt annað skemmtilegt, þá taldi ég að ég yrði líka skilin útundan með auðkennislykilinn.

Það er skemmst frá því að segja að viðbrögðin létu ekki standa á sér. Það er nú búið að senda mér þrjú dagatöl fyrir árið 2007, svo að ég ætti að geta fylgst vel með hvaða dagur er. Og þriðji auðkennislykillinn minn kom í póstinum í dag.

Maður á greinilega að vera duglegri að láta vita af því ef maður er ósáttur :) Vona samt að það séu ekki fleiri dagatöl eða lyklar á leiðinni til mín, þetta er alveg orðið gott í bili...