Þó við séum reyndar búin að ákveða nafn á tilvonandi erfingja (þ.e.a.s. ef þetta er stúlka eins og sónarmyndirnar segja...), þá er samt gaman að velta fyrir sér ýmsum mannanöfnum.

Arna, samkennari minn og samHenríetta, sem einnig gengur með lítið stelpukríli, fann hið frábæra stúlkunafn Vísa Skuld sem er auðvitað mjög viðeigandi á þessum síðustu og fjármögnuðustu tímum. Nú, þar sem ég sat og las Fréttablaðið í gær fékk ég hugmynd að nafni fyrir næstu dóttur hjá henni. Sú næsta gæti auðvitað heitið Auðlind, svona til að halda fjármagnsþemanu! Veit ekki hvort það er leyfilegt samkvæmt hinni kýrskýru mannanafnanefnd, en það beygist náttúrulega eins og Berglind svo að það hlýtur bara að vera í lagi :)