Jón Haukur Sigtryggsson Moggabloggari fjallaði í vikunni um mál sem er mér afar hjartfólgið. Það er þetta með dyrnar og hurðirnar.

Dyrnar eru sum sé gatið sem hurðin fellur inn í. Það er ekki hægt að opna og loka hurðum, við opnum og lokum dyrum með hurðum.

Nokkrir hafa sett inn athugasemdir hjá Jóni og sumir telja hann hreinlega skrýtinn. Ég hins vegar fann mikinn fögnuð streyma um mig við lesturinn, því mér var farið að líða eins og geirfugli í þessari umræðu um dyr og hurðir. Mér finnst nefnilega langflestir vera að "opna og loka hurðum" nú orðið.

Ég steypist t.d. út í útbrotum við að horfa á einn af Stubbaþáttum dóttur minnar, þar sem Tinky Vinky, Dipsý, Lalla og Pó keppast í gríð og erg við að "opna og loka hurð" sem birst hefur í Stubbalandi...!