Starfsfólk Hlíðaskóla fór í skemmtiferð í Borgarfjörðinn síðasta föstudagskvöld. Við fórum á Hvanneyri þar sem við skoðuðum kirkjuna, Ullarselið og hátæknifjósið og fulltrúar skólans tóku þátt í Sveita-Fitness. Að því loknu snæddum við á Tímanum og vatninu, sem er veitingastaður í Fossatúni við Grímsá. Virkilega fallegur staður og gaman að koma á. Kvöldinu lukum við með ærlegu sveitaballi þar sem tjúttað var við klassík eins og Macarena og Popplag í G-dúr!