Nú er árið 2001 runnið í aldanna skaut og aldrei það kemur tilbaka. Það hljómar hálfniðurdrepandi en sem betur fer er næsta ár í startholunum og bíður þess að sýna okkur hvað það getur. Ég ætla að ráðast til atlögu við nýja árið með lyklaborðið að vopni og byrja að halda dagbók á netinu. Dagbókin hefur hlotið hið virðulega nafn "Naflaskoðun Sigurrósar" og í henni mun ég gera heiðarlega tilraun til að skoða veröldina í kringum mig ofan í nafla.
     Hvað varðar áramótaheit, þá ætla ég að leyfa áramótaheitunum frá því í fyrra að gilda þ.e. að vera dugleg að hreyfa mig, borða hollan mat, vera dugleg að læra, bla bla bla o.s.frv. Sem sagt allt þetta týpíska.