Daði bróðir Jóa leit við í dag og fékk klippingu áður en hann fer í fyrsta túrinn með landhelgisgæslunni á morgun. Jói keypti sér hár-rakvél í fyrra og síðan hef ég séð um að klippa hárið á honum. Í dag var Daða síðan breytt í Jóa, þ.e. hárinu á honum. Þeir bræðurnir eru nú með eins klippingu. Klippingin gekk bara ansi vel og ég held að Daði hafi nú verið hissa á að hafa sloppið lifandi úr klónum á mér...hehehe. Jæja, það er ágætt að vita að maður hefur að einhverju að ganga ef kennslan gengur ekki upp...

Þetta var nú ekki aprílgabb þó það sé 1. apríl í dag. Aumingja blöðin náðu ekki að taka þátt í gabbinu í ár þar sem það koma engin blöð á 2. í páskum en fréttin um opnun í Bláfjöllum hjá mbl.is gæti reyndar verið gabb...maður veit aldrei... Rás 2 var með ágætis gabb um að Keikó væri farinn að taka sundspretti í Ölfusánni...

Áðan horfði ég á Den eneste ene sem ég tók upp um daginn. Yndisleg mynd. Ég ætlaði bara að horfa á hana í þetta eina skipti en hún er það góð að ég er búin að merkja spóluna og ætla að geyma hana. Hefði ekki getað trúað því að Danir gætu gert svona frábæra mynd :)