Í kvöld er árshátíðin í Kennó en hún verður haldin með pomp og prakt á Broadway. Eins og sönnum kvenmanni sæmir þarf ég marga klukkutíma til að hafa mig til, það þarf að fara í bað, þvo hárið, laga til neglurnar og lakka þær svo, greiða hárið, mála sig, greiða hárið aftur því það var svo ljótt í fyrsta skiptið, bursta skóna, laga naglalakkið sem skemmist við að bursta skóna, bæta við varalit áður en maður fer út og fullt meira sem ég er pottþétt að gleyma.
En alla vega, naglalakkið hjá mér er þornað og kominn tími til að ráðast á hárið.