Gleðilegan þjóðhátíðardag, kæru landar.
Skrýtið að meðan aðrir líta á 17. júní sem hátíðardag þar sem ekki er hægt að þverfóta fyrir fólki þá er ég yfirleitt á umræddum degi að þvælast einhvers staðar þar sem ég kem varla auga á eina einustu hræðu...ég er nefnilega yfirleitt að vinna á þessum merka degi.
En nóg um það. Tilefni þessa skrifa minna núna er að lýsa formlega yfir sumarfríi hvað Naflaskoðunina mína varðar. Ég hef varla nennt að kveikja á tölvunni þegar ég kem heim frá skrifborðinu mínu á Terra Nova (enda nota ég þá yfirleitt frekar tímann til að setjast út á svalir með góða bók) og einhverra hluta vegna get ég ekki notað bloggið mitt í vinnunni. Svo að ég sé ekki fram á margar færslur í sumar og býst fastlega við að láta lítið í mér heyra á veraldarvefnum í sumar...þangað til annað kemur í ljós...aldrei að vita nema ein og ein færsla líti dagsins ljós ef sá gállinn er á mér! Sem sagt, ekki búast við of miklu frá mér í sumar. En örvæntið ei, ég mun snúa aftur þegar daginn tekur að stytta og draga skoðanir mínar og hugleiðingar undan sólbekknum og hreinsa af þeim sólarvörnina. Hafið það gott á meðan :D