Jólahreingerningunni er hér með lokið, forsetinn má koma í heimsókn ef hann hefur áhuga!

Bauð MR-kjaftaklúbbnum í smákökur og kakó í kvöld. Allir komust nema Jóhanna en hún var að vinna í Hagkaup í kvöld eins og öll önnur kvöld og alla daga fram að jólum, þvílíkur dugnaður í henni! En sem sagt...smákökurnar virtust renna ljúflega niður með kakóinu og held ég að öllum hafi þótt gaman að hittast svona rétt fyrir jól, skiptast á jólakortum og óska gleðilegra jóla.

Rétt eftir að MR-liðið var farið hringdi Daði bróðir Jóa og var hann ásamt vini sínum á rúntinum í hverfinu. Svo við buðum þeim líka inn í smákökur og voru þeir nokkuð kátir með það. Ég held reyndar að Daði hafi bara komið til að heilsa upp á gamla bílinn sinn sem á sér nú samastað á bílastæðinu okkar.