Rétt áðan var sjónvarpið að auglýsa heimildarþátt um V.S. Naipaul sem hlaut Nóbelsverðlaunin í bókmenntum árið 2001. Í þessu stutta aulýsingabroti kom Naipaul með hugmynd sem greip mig alveg gjörsamlega. Hann sagði að maðurinn þyrfti að hafa þrjú líf, eitt til að lesa, eitt til að lifa og eitt til að skrifa. Hvert verkefni um sig væri of stórt til að geta gert því almennileg skil á einni mannsævi. Frábær hugmynd...ef hún væri framkvæmanleg yrði ég alsæl því mér finnst ég einmitt aldrei hafa tíma til að lesa allt sem mig langar, til að gera allt sem mig langar og til að skrifa allt sem mig langar.