Stefán Karl heimsótti yngri barna sviðið í Kennó í dag og spjallaði við okkur um einelti, uppeldi og skóla. Hann var með okkur frá kl. eitt til þrjú án pásu og við hefðum vel getað setið enn lengur og hlustað á hann. En hinn umsetni leikari átti eftir að fara og halda fyrirlestur hjá Hagkaup, keyra á Laugavatn og halda fyrirlestur þar svo við gáfum honum náðarsamlegast leyfi til að fara. Mér finnst aðdáunarvert hvað maðurinn hefur gefið sig allan í þetta verkefni og á hann hrós skilið fyrir að vekja athygli á svo mikilvægri en vanræktri umræðu.

Að ákaflega löngum skóladegi loknum kom ég heim og spjallaði við Jóa meðan hann eldaði handa okkur kvöldmat. Síðan horfði ég á Survivor og CSI - í staðinn fyrir að byrja að lesa fyrir aðferðafræðiprófið eða gera eitthvað annað gáfulegt...skamm skamm, Sigurrós!